Rita Ora shkëlqen në show-in e famshëm amerikan (Video)

Këngëtarja shqiptare ka qenë dje mysafire në emisionin “Late Show” të David Letterman në rrjetin CBS. Ëndrra e çdo VIP është të jetë mysafir i Letterman-nit. Fama ndërkombëtare e këngëtares Rita Ora po bëhet gjithnjë e më e madhe. Gjatë qëndrimit në SHBA, ku ka shkuar të mbajë koncerte dhe të promovojë albumin e saj të ri, Rita Ora është ftuar në emisionin e të famshmit David Letterman. Këngëtarja shqiptare në këtë emision ka kënduar Live njërin nga hitet e saj “R.IP” që është pritur tepër mirë. Letterman, mysafirë të të cilit kanë qenë presidentë dhe VIP-të më të njohur në Amerikë dhe botë e ka prezantuar Ritën si këngëtare nga Kosova dhe Britania e Madhe. Ylli i televizioneve amerikane ka përgëzuar Rita Orën, ka prezantuar albumin e saj dhe i ka uruar suksese e fat duke e ftuar që sërish të jetë mysafire e tij. Më poshtë është një pjesë e videos së emisionit të David Letterman. (KosovaTimes)